مين فينا عارف الزمان خبى لنا ايه
ايام تجينا.. وتواعدنا.. بتنادينا.. و تكايدنا
يوم بتوهب نبض قلبى 100 حياه
يوم تروح و تسيبني فجأة
تسلب العاشق مناه
ايام نعيشها.. او تعيشنا
ونلاقيها.. وتلاقينا
يوم تقرّب.. يوم تحوشنا
وتفارقنا.. تهدّ فينا
او تعود للنهر تاني.. اسرار الحياه
*******
مكتوب.. نصيب
مقسوم هانبعد.. او نغيب
مقسوم نعيش
مقسوم نموت ف البعد او نقدر نعيش
ماتكمليش..
طول مانتي فاكره
وحبي عايش عمره فيكي
مافيش محال.. هقدر اعيش
*******
ماقدرش افوتك بس يوم.. ولا تقدريش
فيه ناس نشوفها
نتوه و نغرق بين حروفها
وناس نشوفها
وبالسنين نسكن وشوشها
توهب قلوبنا طوق النجاه.. وتكون رفيق
تسكن قلوبنا.. تكون دليل
ويادوب يادوب.. تمشي الحياه
نختار طريق..
ويجينا ليل.. وتروح بعيد.. وسط الغيوم
عارفك هناك.. وسط الشجر
فوق ف السما.. جوا العنين
عاشق هواك
اسرح و ادوب.. واسكن سماك
*******
طب رايحه فين
حاسس بخوفك.. وكلام حروفك.. شوقك.. حنين
مش بس ساكن.. جوا الاماكن
مش حب لكن
ده غرام وكون
عشق.. وجنون
عارفه اما تمشي.. وف عز قلبى ما هايبكى نار
جوا ف عيونى.. حزنى وسكونى
دمعى المرار..
من غير ايدين تلمس ايدين
من غير عينين تدمع كتير.. من غير كلام
هانده عنيكي.. وهابوس ايديكي
واهديكي عمري
وهاقول سلام..
*******
السبت يناير 31, 2009 8:34 am
