ليه لما بنيجي نمشي في المطر لظروف استثنائيه بنروح رافعين اكتافنا لفوق؟ هيه هتعمل ايه يعني؟؟
ليه لما تكون بطاريه الريموت شبه فاضيه, بنضغط علي الزراير جامد؟؟
ليه لما حد بيهادينا قلم جديد..أول حاجه واحنا بنجربه بنكتب اسمنا؟؟
ليه بنقول هديه مجانيه..؟ مش المفروض ان الهديه تكون مجانيه؟؟
ليه لما بنكون جوه البيت والسماء بتمطر بنسأل هو الجو بيمطر بره؟ هي عمرها مطرت جوه؟؟
ليه دايما حد بيجري يلحق الاتوبيس بتلاقيه بيضحك او مبتسم؟
ليه بنفتكر ان لما ندوس علي زرار الاسانسير كتير هاييجي اسرع؟ اومثلا جه واحد وانت واقف امام باب الاسانسير بيدوس علي زرارالاسانسير ولا كأنك موجود؟؟؟
ليه واحنا بنأكل الطفل الصغير في فمه بالملعقه ... بنفتح فمنا ؟
ليه لما بنتصل بالتلفون .... النمره الغلط ما بتكونش مشغوله؟؟
ليه لما بنصحي من النوم دايما بنحس ان كميه النوم ناقصه عشر دقائق؟؟
ليه الشخص اللي بيشخر وهو نايم دايما بينام اسرع؟؟
الخميس يناير 08, 2009 5:39 pm
